Sunday. Sundae. Someday.

Linggo at may misa ka,

Ako nama’y may kilos-protesta

Ipinagdarasal mo ako,

At pinapalaya ko kayo.

Lumuhod ka pagkalunok ng ostya

Napaluhod ako sa pagpalo ng batuta

Matapos ang basbas ng kura paroko

Matapos ang pagbomba ng bumbero

Magkita tao sa may Mcdo

Dun sa may Recto

Kung walang dumating na ako,

Isawsaw mo na lang ang fries sa sundae mo

Ipagdasal mo na rin ang paglaya ko.