Ba Ba Blaksyip

Bilin ni ina

pag gabi na at wala pa siya

sa kama na ako dumirekta

Ipipikit ang mata

at matutulog mag-isa

Pag hindi kaya

tsaka na magbibilang ng tupa

Isang tupa

Dalawang tupa

Tatlong tupa

Namanhid  ang hele

Napaos ang oyayi

Kalansing ng baraya pangrenta sa kumakalam na sikmura

Apat na tupa

Limang tupa

Sa ikaanim ng umaga

Nakita ko sa ina

Sa kanlungan ng itim na banyaga

Anak ng tupa

Anak pala ako ng puta

Mula sa FUTANESCA: ang krema de pruta ng mga inang biktima