O hesus Sa piling ng iyong mga apostol
Nakikiisa ako sa iyong pagdurusa Gusto kong akuin ang mga haplit ng mga bala ang mga tinik na naidikdik sa iyong ginhawa ang mga [.....]
May isang dyip na hinahabol ang pagsakop ng liwanag sa dilim. Binabagtas ang rutang Plaridel at Q-mart. Hinarang ng mga pulis. Sinamsam ang mga baboy na patay na pinatay.
May isang dyip na papagarahe na galling sa isang kilos protesta. Binabagtas ang rutang Mendiola at Rizal. Hinarang ng mga pulis. Dinakip ang mga aktibista—binaboy. Pinatay. [.....]
Madamot ang ilaw na hatid ng inaalikabok na bumbilya. Gumegewang-gewang sa may ulunan ng aktibistang nabingwit ng apat na pulis.
Nakatali ito sa upuan. Hubu’t hubad. Basang basa at puno pa ng boltahe ang kalamnan. Subalit puno pa rin ng angas, tahanan pa rin ng tapang at pagmamahal sa bayan ang kanyang tikas. Nakapaligid sa kanya ang apat na pulis na hindi nauubusan ng maitim na balak para sa kanya at sa mga kauri niya.
“BATA ANONG PANGALAN MO? SINO PA MGA KASAMA MO?” Usisa ng matandang pulis.
“AKO SI BATMAN! WALA KAYONG MAKUKUHA SA’KEN” nanunudyo ang ngiti nito.
Isinabit ng mga pulis sa leeg niya ang isang lumang tirador, matapos ay [.....]
